Манай оронд барилгын салбар эрчимтэй хөгжихийн хэрээр дэлхий нийтийн жишиг болсон барилгын дэвшилтэт технологийг өргөнөөр нэвтрүүлж байна. Үүний тод жишээ нь ухаалаг барилгын систем буюу барилгын менежментийн систем юм. Барилгын цахилгаан, ус, дулаан хангамж, салхивч, хөргөлт, агааржуулалт зэрэг барилгын дэд бүтцийн системүүд нь хоорондоо хамааралгүй, механик ажиллагаатай байсан бол одоо нэгдсэн удирдлага бүхий автомат системд шилжиж байна. Үүний үндсэн гол зорилго нь энергийн хэмнэлттэй зөв зарцуулалтаар тав тухтай байдлыг хангах явдал юм. Манай компани 2012 оноос эхлэн дэлхийд ухаалаг барилгын технологиор тэргүүлэгч Siemens корпорацын албан ёсны түншээр, 2018 оноос Францын Schneider Electric-тай хамтран ажиллаж байна. Хамтын ажиллагааны хүрээнд өөрсдийн инженерүүдийг барилгын автоматжуулалтын системийн сургалтуудад бүрэн хамруулж, албан ёсны сертификат эзэмшүүлэн, Барилгын Менежментийн Систем (БМС)-ийн төслүүдийг амжилттайгаар хэрэгжүүлж ирсэн. Энэ туршлага дээрээ суурилан Монголын зах зээлд мэргэжлийн түвшинд шийдэл боловсруулж, төслийг удирдан гүйцэтгэж, олон улсын стандартын дагуу суурилуулалт тохиргоо хийж хүлээлгэн өгөхөөс гадна суурилуулалтын дараах найдвартай ажиллагааг бүрэн хангах, сервис үйлчилгээг мэргэжлийн өндөр түвшинд үзүүлнэ.
